रायगडावरील ८४ पाण्याच्या टाक्यांपैकी २१ टाक्यांत मुबलक पाणी साठा : ‘रायगड विकास प्राधिकरण’

रायगडावरील ८४ पाण्याच्या टाक्यांपैकी २१ टाक्यांत मुबलक पाणी साठा : ‘रायगड विकास प्राधिकरण’च्या कामाला गती

रायगड – रायगड विकास प्राधिकरणाच्या माध्यमातून विविध दुर्गराज रायगडावर विविध प्रकारची कामे सुरू आहेत. त्यापैकी एक काम म्हणजे गडावरील पाण्याच्या टाक्यांची दुरुस्ती. रायगडावर एकूण ८४ पाण्याची छोटी-मोठी टाकी आहेत. त्यातील ‘हत्ती तलाव’ हे सर्वात मोठं टाकं आहे. सध्या गडावरील सगळ्याच तलावात मोठ्या प्रमाणात गाळ साठला आहे. तसेच गळतीमुळे पाणीसाठा होत नाही. त्यामुळे रायगड प्राधिकरणाच्या माध्यमातून टाक्यांतील गाळ काढून त्यांची गळती शोधण्याचे काम हाती घेण्यात आले होते. पावसाळ्यापूर्वी गडावरील ८४ पाण्याच्या टाक्यांपैकी २१ टाक्यांमधील गाळ काढण्यात आलेला आहे. त्यामुळे पावसाळ्यानंतर आता या २१ टाक्यांमध्ये मुलबक पाणीसाठा झालेला आहे. याशिवाय गडावरील मोठ्या तलावांची गळती शास्त्रोक्त पद्धतीने शोधण्याचे कामही पूर्ण झाले आहे.

हत्ती तलावातील १४ फुटापर्यंतचा गाळ काढण्यात आला असून या तलावात ही मोठा जलसाठा झालेला आहे. या तलावाची गळती शोधण्याचे कामही पूर्ण झाले असून येत्या काळात प्राधिकरणामार्फत त्याची दुरुस्ती करण्यात येणार आहे, संपूर्ण दुरुस्ती झाल्यानंतर गंगासागर तलावाप्रमाणेच हत्ती तलावातही मोठ्या प्रमाणात पाणीसाठा होऊन रायगडावर होणार्या विविध उत्सवांना त्या पाण्याचा उपयोग होऊ शकतो.

प्रसिद्धीसाठी सादर –

Raigad Development Authority (RDA)

Read more...

शिवनेरी किल्ल्यावर साकारणार सातवाहन आणि शिवकालीन वस्तू संग्रहालय

पुणे – छत्रपती शिवाजी महाराज यांचे जन्मस्थान असलेल्या शिवनेरी किल्ल्यावर सातवाहन आणि शिवकालीन वस्तू संग्रहालय साकारणार आहे. जुन्नरची सह्याद्री गिरिभ्रमण संस्था, डेक्कन कॉलेज आणि भारतीय पुरातत्त्व विभागाच्या सहकार्याने ते उभारण्यात येणार आहे.

जुन्नर तालुक्‍याला इ. स. पूर्व इतिहास असून, त्याची माहिती पर्यटकांना मिळत नाही. यामुळे किल्ल्यावरील अंबरखाना इमारतीमध्ये कायमस्वरूपी माहिती केंद्र आणि शिवकालीन शस्त्रास्त्र संग्रहालय उभारण्यात यावे, अशी मागणी सह्याद्री गिरिभ्रमण संस्थेने १९ फेब्रुवारी २००७ रोजी तत्कालीन मुख्यमंत्री विलासराव देशमुख यांच्याकडे केली होती. संस्थेचे अध्यक्ष संजय खत्री यांनी याबाबतची माहिती दिली. या मागणीची दखल घेत तत्कालीन उपमुख्यमंत्री अजित पवार यांनी संग्रहालयाला तत्त्वतः मान्यता दिली. यानंतर भारतीय पुरातत्त्व विभागाने या इमारतीच्या संवर्धनाला सुरवात केली. मात्र, पुढे हा प्रकल्प सरकला नाही.

दरम्यान, खासदार शिवाजीराव आढळराव पाटील यांनी राज्य शासन, केंद्रीय सांस्कृतिक मंत्री महेश शर्मा आणि भारतीय पुरातत्त्व विभागाच्या महासंचालिका उषा शर्मा यांच्याशी पत्रव्यवहार केला. ‘सह्याद्री’ने डेक्कन कॉलेजला या प्रकल्पासाठी विनंती केली. यानंतर डेक्कन कॉलेजचे कुलगुरू डॉ. वसंत शिंदे यांनी शिवनेरीसह जुन्नर शहरातदेखील पुरातत्त्व वस्तू संग्रहालय उभारण्याबाबत पुढाकार घेतला. यासाठी डॉ. शिंदे यांनी जुन्नर नगर परिषदेच्या जिजामाता उद्यानातील जागेची मागणी नगर परिषदेकडे केली आहे. नगराध्यक्ष श्‍याम पांडे यांनी सकारात्मक प्रतिसाद दिला असून, लवकरच ही जागा डेक्कन कॉलेजला हस्तांतर करण्याची तयारी
दर्शविली आहे.

सातवाहन आणि शिवकालीन इतिहासाच्या माहितीसाठी ‘अंबरखाना’ इमारतीमध्ये कायमस्वरूपी माहिती केंद्र आणि संग्रहालय उभारावे, अशी मागणी आम्ही २००७ पासून करीत आलोय. येत्या शिवजयंती सोहळ्यात संग्रहालयाबाबत मुख्यमंत्री सकारात्मक घोषणा करतील, यासाठी आम्ही प्रयत्नशील आहोत.
– संजय खत्री, अध्यक्ष, सह्याद्री गिरिभ्रमण संस्था, जुन्नर

अंबरखाना ही वास्तू वापरात येऊन चांगले संग्रहालय उभारले, तर हे पर्यटकांसाठी चांगले माहिती केंद्र होईल. या प्रकल्पाच्या परवानग्या आणि निधीसाठी मी केंद्र, राज्य सरकारसह विविध विभागांशी पत्रव्यवहार करीत आहे.
– शिवाजीराव आढळराव पाटील, खासदार

जुन्नर शहर ही सातवाहनांची पहिली राजधानी होती. या ठिकाणी रोमन आणि ग्रीक लोकांची मोठी वसाहत होती. हे डेक्कन कॉलेजच्या वतीने केलेल्या उत्खननातून समोर आले आहे. सुमारे अडीच हजार वर्षांपूर्वीच्या लोकसंस्कृतीची माहिती व्हावी, यासाठी संग्रहालयासाठी आम्ही सकारात्मक आहोत.
– डॉ. वसंत शिंदे, कुलगुरू, डेक्कन कॉलेज (अभिमत विद्यापीठ)

Read more...

भारताला मिळणार एस – 400 मिसाईल डिफेन्स सिस्टिम

भारताला मिळणार एस – 400 मिसाईल डिफेन्स सिस्टिम, करारावर शिक्कामोर्तब –

सुरक्षेच्या दृष्टीने अत्यंत महत्त्वाची असलेली एस – 400 मिसाईल डिफेन्स सिस्टिम संरक्षण दलाच्या ताफ्यात आणण्याचा भारताचा मार्ग अखेर मोकळा. भारत आणि रशियामध्ये आज पंतप्रधान नरेंद्र मोदी आणि रशियन राष्ट्रपती व्लादिमिर पुतीन यांच्यात झालेल्या चर्चेनंतर या करारावर शिक्कामोर्तब

Read more...