सोशल मीडियावर आमदार बेनके यांची बदनामी केल्या प्रकरणी गुन्हा दाखल

सोशल मीडियावर आमदार बेनके यांची बदनामी केल्या प्रकरणी गुन्हा दाखल

सजग वेब टीम, जुन्नर

आळेफाटा | आमदार अतुल बेनके यांचे विषयी सोशल मिडीयावर कोरोना चाचणी व राजकिय द्वेषातून बदनामीकारक मजकूर प्रसिद्ध केल्याबद्दल माजी आमदार शरद सोनवणे यांचे समर्थक व कार्यकर्ते सुशांत दरेकर यांच्यावर आळेफाटा पोलीस स्टेशन याठिकाणी गुन्हा नोंद करण्यात आला आहे अशी माहिती राष्ट्रवादी काँग्रेसचे सोशल मीडिया विभागाचे पदाधिकारी विजय कुऱ्हाडे यांनी दिली आहे.

विद्यमान लोकप्रतिनिधींच्या वैयक्तिक आरोग्य परिस्थितीवर भाष्य करून बेनके परिवार व कार्यकर्ते यांच्या भावना दुखावल्याने दरेकर विरोधात आळेफाटा पोलिसांकडून स्टेशन येथे भा. द. वि. कलम 501, 504, 505(1)(ब) नुसार गुन्हा दाखल करण्यात आला आहे.

या प्रकरणी आमदार बेनके समर्थक ठिकठिकाणी गुन्हे दाखल करणार असल्याची माहिती राष्ट्रवादी काँग्रेसचे सोशल मीडिया विभागाचे पदाधिकारी विजय कुऱ्हाडे यांनी दिली आहे.

अनेक कार्यकर्त्यांनी स्वत:हून नजीकच्या पोलीस स्टेशनला जावून तक्रार देण्यासंबंधीची भूमिका घेतली असून, आमदारांविषयी केलेली बदनामीकारक वक्तव्ये त्यामुळे गटागटात निर्माण होणारी तेढ यामुळे सामाजिक अशांतता पसरू शकते यांची प्रांत अधिकारी व पोलिसांनी वेळीच दखल घेवूव उपाययोजना करावी अशी मागणी राष्ट्रवादी काँग्रेस पक्षाच्यावतीने कुऱ्हाडे यांनी केली आहे.

Read more...

कोरोनाचा वाढता संसर्ग विचारात घेता व्यापक सर्वेक्षण व तपासण्या वाढवा – उपमुख्यमंत्री अजित पवार

कोरोनाची साखळी तोडण्यासाठी प्रसंगी पुन्हा लॉकडाऊन घोषित करण्याचा उपमुख्यमंत्री अजित पवार यांचा इशारा

कोरोनाचा वाढता संसर्ग विचारात घेता व्यापक सर्वेक्षण व तपासण्या वाढवा – उपमुख्यमंत्री अजित पवार

सजग वेब टीम,  पुणे

पुणे(दि.१०) | पुणे तसेच पिंपरी चिंचवड शहरासोबतच ग्रामीण भागात कोरोनाबाधित रुग्णांची संख्या दिवसेंदिवस वाढत आहे. अनेक नागरीक कोणत्याही कारणाशिवाय घराबाहेर मास्क न वापरता तसेच प्रशासनाने घालून दिलेल्या नियमांचे पालन न करता गर्दी करत असल्याचे निदर्शनास येत आहे. अशीच परिस्थिती कायम राहिल्यास आणखी कडक भूमिका घ्यावी लागेल. प्रसंगी पुन्हा लॉकडाऊन घोषित करावा लागेल, असा इशारा उपमुख्यमंत्री तथा पुणे जिल्ह्याचे पालकमंत्री अजित पवार यांनी आज दिला. कोरोनाचा वाढता संसर्ग विचारात घेता व्यापक सर्वेक्षण कोरोना चाचण्या वाढविण्यासोबतच कोरोनाची साखळी तोडणे हे आपल्यापुढील प्रमुख आव्हान आहे. सर्वांनी सजग राहून कामे करावीत, असे निर्देशही श्री पवार यांनी दिले.

विभागीय आयुक्त कार्यालयात कोरोना विषाणू प्रादुर्भाव निर्मुलन आढावा बैठक घेण्यात आली. यावेळी ते बोलत होते. बैठकीला मुख्यमंत्री यांचे प्रधान सल्लागार अजोय मेहता, सार्वजनिक आरोग्य विभागाचे प्रधान सचिव डॉ. प्रदीपकुमार व्यास, विभागीय आयुक्त डॉ. दीपक म्हैसेकर, जमाबंदी आयुक्त एस. चोक्कलिंगम, जिल्हाधिकारी नवल किशोर राम, पुणे मनपा आयुक्त शेखर गायकवाड, पिंपरी चिंचवड मनपा आयुक्त श्रावण हर्डीकर, पोलीस आयुक्त डॉ. के. व्यंकटेशम, संदीप बिष्णोई, साखर आयुक्त सौरभ राव, पुणे महानगर प्रदेश विकास प्राधिकरणचे मुख्य कार्यकारी अधिकारी विक्रम कुमार, सहकार आयुक्त अनिल कवडे, भूजल सर्वेक्षण व विकास यंत्रणेचे संचालक कौस्तुभ दिवेगावकर, अतिरिक्त आयुक्त रुबल अग्रवाल, शांतनु गोयल, पोलीस अधीक्षक संदीप पाटील, जिल्हा परिषदेचे मुख्य कार्यकारी अधिकारी आयुष प्रसाद, शासनाचे वैद्यकीय सल्लागार डॉ. सुभाष साळुंके, ससूनचे अधिष्ठाता डॉ. मुरलीधर तांबे यांच्यासह संबंधित विभागाचे वरिष्ठ अधिकारी उपस्थित होते.

उपमुख्यमंत्री अजित पवार म्हणाले, कोरोनाची आपत्ती लक्षात घेता महानगरपालिका व इतर यंत्रणांमार्फत विविध प्रतिबंधात्मक उपाययोजना करण्यात येत आहेत. तथापि, परिसरनिहाय सूक्ष्म नियोजन केल्यास अधिक प्रभावीपणे काम करणे शक्य होईल. टाळेबंदीच्‍या शिथिलीकरणानंतर यंत्रणांची जबाबदारी वाढली आहे. त्यामुळे योग्य अंतर राखणे, मास्क वापरणे आदींचा अवलंब होत नसल्यास कारवाई करून शिस्त निर्माण करण्यासाठी प्रयत्न करावा. कोणत्याही परिस्थितीत कंटेनमेंट झोन्समध्ये कडक बंधने पाळली जातील, याकडे लक्ष द्यावे. कोरोनाची साखळी तोडणे हे आपल्यापुढील प्रमुख आव्हान आहे. जिथे उद्योग- व्यवसायांना परवानगी देण्यात आली तिथे लक्ष केंद्रीत करून अधिक काळजी घ्यावी, अशा सूचनाही श्री पवार यांनी दिल्या.

ग्रामीण भागात कोरोनाचा संसर्ग रोखण्यासाठी वेळीच खबरदारी घेणे आवश्यक असल्याचे सांगून उपमुख्यमंत्री पवार म्हणाले, पुणे शहर तसेच लगतच्या गावात कोरोनाचा संसर्ग वाढत असल्याचे निदर्शनास येत आहे. संसर्ग रोखण्यासाठी वेळीच कडक उपाययोजना कराव्यात तसेच ‘फिव्हर क्लिनिक’मध्ये आवश्यक मनुष्यबळ व सामग्री उपलब्ध करून द्यावी. जेणेकरून ग्रामीण भागातील नागरिकांना लवकरात लवकर उपचार मिळणे शक्य होईल. कोविड केअर सेंटर, डेडीकेटेड कोविड हॉस्पिटलमध्ये राज्य शासनाच्या मार्गदर्शक सूचनेनुसार सर्व आरोग्यविषयक सुविधा सज्ज ठेवाव्यात, अशा सूचनाही त्यांनी दिल्या.

मुख्यमंत्री यांचे प्रधान सल्लागार अजोय मेहता म्हणाले, कोरोनाबाधित रुग्णाच्या संपर्कात आलेल्या व्यक्तीचा शोध, घरोघरी सर्व्हेक्षण तसेच कोरोना चाचण्या वाढविणे आवश्यक आहे. कोरोना चाचणीसाठी स्‍राव नमुना घेतल्यानंतर अहवाल येण्यासाठी विलंब होणार नाही, याची दक्षता घ्या तसेच घरोघरी जावून करण्यात येत असलेले सर्वेक्षण वाढविण्यासोबतच यामध्ये स्थानिक सामाजिक कार्यकर्ते तसेच सोसायटीचे अध्यक्ष यांचाही सहभाग घ्यावा, अशा सूचना करून झोपडपट्टी क्षेत्रातील स्वच्छतागृहांच्या स्वच्छतेबाबत दक्षता घेण्याच्या सूचनाही श्री मेहता यांनी दिल्या.

आरोग्य विभागाचे प्रधान सचिव डॉ. प्रदीप व्यास यांनी पुणे जिल्ह्याची कोरोना बाबतची सद्यस्थितीची सादरीकरणाद्वारे माहिती दिली. कोरोना वाढीचा दर, बरे होण्याचा दर, मृत्यू दर याचा अंदाज घेत जुलैअखेर अपेक्षित असलेल्या नियोजनाबाबत माहिती दिली. प्रतिबंधित क्षेत्राबाहेरही मोठया प्रमाणात कोरोनाचे रुग्ण असल्याने त्यादृष्टीने व्यापक नियोजन करण्यात आल्याचे त्यांनी सांगितले.

विभागीय आयुक्त डॉ. दीपक म्हैसेकर यांनी कोरोना प्रतिबंधासाठीचे करण्यात येत असलेल्या उपाययोजनांबाबत माहिती दिली. कोरोना प्रतिबंधासाठी प्रत्येक विभागाकडून सुरू असलेल्या उपाययोजनांबाबत सातत्याने आढावा घेतला जात असल्याचे त्यांनी सांगितले.

जिल्हाधिकारी नवल किशोर राम यांनी ग्रामीण भागात कोरोनाचा संसर्ग रोखण्यासाठी करण्यात येत असलेल्या उपाययोजनाबाबत सविस्तर माहिती दिली. ज्या गावात कोरोना रुग्ण आढळत आहे, त्या संपूर्ण गावाला प्रतिबंधित क्षेत्र घोषित करून उपाययोजना राबविण्यात येत असल्याचे सांगून शहरानजीकच्या गावातील वाढता संसर्ग विचारात घेत उपाययोजनांवर भर दिला जात असल्याचे त्यांनी सांगितले.

पुणे मनपा आयुक्त शेखर गायकवाड व पिंपरी चिंचवड आयुक्त श्रावण हर्डीकर यांनी महापालिकाक्षेत्रात कोरोना प्रतिबंधासाठी करण्यात येत असलेल्या उपाययोजनाबाबत माहिती दिली. यावेळी विविध यंत्रणांचे अधिकारी उपस्थित होते.

Read more...

प्लाझ्मा बँक स्थापन करण्यासाठी कोरोनामुक्त व्यक्तींना प्लाझ्मा दान करण्याचे आवाहन – विभागीय आयुक्त डॉ. म्हैसेकर

प्लाझ्मा बँक स्थापन करण्यासाठी कोरोनामुक्त व्यक्तींना प्लाझ्मा दान करण्याचे आवाहन-विभागीय आयुक्त डॉ. दीपक म्हैसेकर

सजग वेब टीम, पुणे

पुणे (दि.०८)|  कोव्हिड-१९ आजारातून उपचाराअंती बरे झालेल्या व्यक्तीचा प्लाझ्मा (रक्तद्रव) जर कोरोनाबाधित असलेल्या गंभीर रुग्णाला दिल्यास त्या रुग्णाचा जीव वाचवण्याची शक्यता असते हे वैज्ञानिक संशोधनातून सिद्ध झाले आहे. परंतु असे लक्षात आले आहे की कोरोना आजारातून बऱ्या झालेल्या व्यक्ती प्लाझ्मा दान करण्यासाठी पुढे येत नाहीत. परिणामी गंभीर कोरोना रुग्णांना प्लाझ्मा उपलब्ध होत नाही. त्यामुळे कोव्हिड-१९ आजारातून उपचाराअंती बरे झालेल्या व्यक्तींनी प्लाझ्मा दान करावे, असे आवाहन विभागीय आयुक्त डॉ. दीपक म्हैसेकर यांनी केले आहे.

विभागीय आयुक्त डॉ म्हैसेकर म्हणाले, प्लाइमा फेरेसिस ही प्रक्रिया रक्तदान प्रकियेप्रमाणेच आहे. प्लाझ्मा फेरेसिस साठी वापरले जाणारे एक अत्याधुनिक मशीन आहे. या मशीनचे वैशिष्ट्य असे की यामध्ये फक्त प्लाझ्मा घेतला जातो व बाकीचे रक्त प्लाइमा दान करणाऱ्या व्यक्तीला परत दिले जाते. ही प्रक्रिया अत्यंत सुरक्षित असून ती तज्ज्ञ डॉक्टरांच्या देखरेखीखालीच केली जाते. प्लाइमा दान करणारी व्यक्ती १८ ते ६० वयोगटातील असावी. प्लाइमा देणाऱ्या कोरोनामुक्त व्यक्तीची सर्वप्रथम वैद्यकीय तपासणी व इतर चाचण्या केल्या जातात आणि जर ती वैद्यकीयदृष्ट्या पात्र असेल तरच त्या व्यक्तीचा प्लाझ्मा घेतला जातो. या सर्व प्रक्रियेसाठी साधारण दीड ते दोन तास लागतात. प्लाझ्मा देणाऱ्या व्यक्तीस अजिबात अशक्तपणा अथवा थकवा जाणवत नाही. म्हणून सर्व करोनामुक्त व्यक्तींनी प्लाइमा दान करण्यास पात्र असल्यास प्लाझ्मा दान करुन गंभीर करोना रुग्णांना जीवनदान द्यावे, असे आवाहनही विभागीय आयुक्त डॉ. दीपक म्हैसेकर यांनी केले.

Read more...

कोरोना चाचणीचा अहवाल २४ तासाच्या आत देणे बंधनकारक – विभागीय आयुक्त डॉ. म्हैसेकर

कोरोना चाचणीचा अहवाल खासगी प्रयोगशाळेने २४ तासाच्या आत जाहीर करणे बंधनकारक – विभागीय आयुक्त डॉ. दीपक म्हैसेकर

सजग वेब टीम, पुणे

पुणे, दि. ८ | कोरोना संशयित व्यक्तींचे चाचणीसाठी घेतलेल्या नमुनांचा अहवाल २४ तासांच्या आत करण्याचे खासगी प्रयोगशाळांना बंधनकारक करण्यात आले आहे. हे अहवाल रुग्ण ज्या भागातील रहिवासी आहे म्हणजेच पुणे महानगरपालिका, पिंपरी चिंचवड महानगरपालिका, ग्रामीण भागासाठी जिल्हा आरोग्य अधिकारी यांच्याकडे सादर करण्याच्या सूचना विभागीय आयुक्त डॉ दीपक म्हैसेकर यांनी दिल्या.

विभागीय आयुक्त डॉ दीपक म्हैसैकर यांच्या अध्यक्षतेखाली कोवीड -१९ संसर्गजन्य आजाराच्या अनुषंगाने खासगी प्रयोगशाळा चालकांसोबत आढावा बैठक घेण्यात आली. यावेळी त्यांनी सूचना दिल्या.
सर्व प्रयोगशाळा चालकांनी दररोज संध्याकाळी सहा वाजेपर्यंत दिलेल्या नमुन्यातील अहवाल न चुकता श्री. कुलकर्णी, आरोग्य उपसंचालक कार्यालय यांच्याकडे सादर करावे. चाचणी बाबत आरटी-पीसीआरवर डेटा दररोज अपलोड करण्यात यावा व दैनंदिन अहवाल सनियंत्रण अधिकारी यांना देण्यासाठी प्रत्येक प्रयोगशाळेने एका नोडल अधिकाऱ्यांची नियुक्ती करावी. नोडल अधिकाऱ्यांच्या दूरध्वनी क्रमांक कळविण्याच्या सूचनाही विभागीय आयुक्त डॉ दीपक म्हैसैकर दिल्या.

Read more...

जुन्नरच्या कोरोना संख्येची शतकाकडे वाटचाल, पिंपळगावचे मा.सरपंच कोरोना पाॅझिटिव्ह

पिंपळगाव (आर्वी) चे माजी सरपंच कोरोना चाचणी अहवालामध्ये आढळले पॉझिटिव्ह

आज जुन्नर तालुक्यामध्ये तीन जणांचा अहवाल आला पॉझिटिव्ह

सजग वेब टीम , जुन्नर 

नारायणगाव | पिंपळगाव (आर्वी) चे माजी सरपंच हे देखील आज आलेल्या कोरोना चाचणी अहवालामध्ये पॉझिटिव्ह आढळले आहेत.
(वारूळवाडी ता. जुन्नर) येथे सध्या रहात असलेल्या पिंपळगाव तर्फे नारायणगाव च्या माजी प्रभारी सरपंचांच्या कोरोना चाचणी पॉझिटिव्ह अहवालामुळे अनेकांनी चिंता व्यक्त केली आहे. वारूळवाडी ते कॉलेज महाविद्यालय या रस्त्यावर हे माजी सरपंच वास्तव्यास आहेत. मात्र त्रास जास्त जाणवू लागल्याने ते चार दिवसांपूर्वी पिंपळगाव येथील आपल्या घरी राहत होते असे समजते. त्यांच्या घरातील काही व्यक्तींचा स्वॅब यापूर्वीच टेस्टिंग साठी पाठवण्यात आला असून त्यांना क्वारंटाईन करण्यात आले आहे. या माजी सरपंचांच्या संपर्कात अनेक व्यक्ती आल्या आहेत असे बोलले जात आहे. त्यांचा स्वँब टेस्टसाठी व त्यांना क्वारंटाईन करण्यासाठी संपर्कात आलेल्या लोकांचा शोध आता प्रशासन घेत आहे.

यापूर्वीच नारायणगाव – वारूळवाडी हे प्रतिबंधित क्षेत्र म्हणून जाहीर करण्यात आले आहे. आजपासून पुढील चार दिवस पूर्ण वारूळवाडी गाव अत्यावश्यक सेवा वगळता बंद राहणार असल्याची माहिती वारूळवाडी चे उपसरपंच सचिन वारुळे यांनी दिली
या अहवालामुळे वारूळवाडी येथील कोरोना रुग्णांची संख्या दोन एवढी झाली आहे. तर नारायणगाव मध्ये एकूण पाच कोरोना पॉझिटिव्ह रुग्ण आढळले आहेत. याशिवाय आज धालेवाडी येथे दोन पॉझिटिव्ह रुग्ण आढळल्यामुळे जुन्नर तालुक्यातील कोरोना बाधितांची संख्या ९१ एवढी झाली आहे यातील ५६ रुग्ण हे पूर्णपणे बरे झाले असून ३ रुग्णांचा मृत्यू झाला आहे. तर उर्वरित ३२ रुग्णांवर लेण्याद्री येथील कोवीड सेंटरमध्ये तसेच इतर हॉस्पिटलमध्ये उपचार सुरू आहेत. अशी माहिती आरोग्य विभाग व डॉ वर्षा गुंजाळ यांनी दिली आहे.

नागरिकांनी प्रशासनाने सांगितलेल्या नियमांचे काटेकोर पालन करुन प्रशासनाला सहकार्य करावे असे आवाहन नारायणगाव पोलिस स्टेशनचे सहाय्यक पोलीस निरीक्षक अर्जुन घोडे पाटील यांनी केले आहे.

Read more...

जुन्नरचे आमदार अतुल बेनके ७ दिवसांसाठी गृह विलगीकरणात

जुन्नरचे आमदार अतुल बेनके ७ दिवसांसाठी गृह विलगीकरणात

सजग वेब टीम, जुन्नर 

नारायणगाव | गेल्या काही दिवसांत पुणे जिल्ह्यातील लोकप्रतिनिधीही कोरोनाबाधित होताना दिसत आहेत. यात पुण्याचे महापौर मुरलीधर मोहोळ, भोसरी चे आमदार महेश लांडगे, हडपसर चे माजी आमदार योगेश टिळेकर, दौंड चे आमदार राहुल कुल आदी लोकप्रतिनिधींना कोरोनाची बाधा झाली आहे. त्यातच आता जुन्नरचे आमदार अतुल बेनके यांनाही त्रास जाणवू लागल्याने व कोरोनासदृश लक्षणे दिसल्याने डॉक्टरांच्या सल्ल्याने त्यांची कोरोना टेस्ट करण्यात आली आहे.

सुदैवाने हि टेस्ट निगेटिव्ह आली आहे. ११ जुलै ला पुन्हा टेस्ट करण्यात येईल परंतु खबरदारी म्हणून डॉक्टरांनी बेनके यांना ७ दिवसांसाठी विलगीकरण कक्षात राहण्यास सांगितले आहे. अशी माहिती त्यांनी आपल्या फेसबुक पेजवर प्रसिद्ध केलेल्या एका पत्रकाद्वारे दिली आहे.

या प्रसिद्धी पत्रकात त्यांनी खालील संदेश जुन्नरकरांना दिला आहे.

कोरोनाच्या पार्श्वभूमीवर उपाययोजना करताना प्रशासनाशी समन्वय साधताना, नागरिकांच्या समस्यांचे निवारण करताना अनेकांशी माझा संपर्क येत आहे.

योग्य ती काळजी घेत असलो तरीही कामानिमित्त फिरताना कोविड पॉझिटिव्ह व्यक्तीशी संपर्क आल्याने आणि काही प्रमाणात लक्षणे आढळून आल्याने सोमवार दि.०६ जुलै रोजी मी त्वरित डॉक्टरांशी संपर्क साधला. डॉक्टरांच्या सल्ल्यानुसार कोरोना टेस्ट करण्यात आली व सुदैवाने ती निगेटिव्ह आली आहे. तसेच दि.११ जुलै रोजी दुसरी टेस्ट करण्यात येणार आहे. परंतु खबरदारी म्हणून डॉक्टरांनी मला ७ दिवसांसाठी विलगीकरण कक्षात राहण्यास सांगितले आहे

माझी आपणा सर्वांना विनंती आहे की या सर्व परिस्थितीत विलगीकरण काळात मी कुणालाही भेटू शकणार नाही. विलगीकरणात असलो तरीही तालुक्यातील बाकीची कामे सुरू राहणार आहेत कुठलेही काम थांबणार नाही याची मी काळजी घेत आहे. तालुक्यातील सर्व घडामोडींवर माझे बारीक लक्ष आहे. प्रशासकीय पातळीवर अधिकाऱ्यांशी संपर्क ठेवून आहे.

आपल्या सेवेसाठी, काही काम असल्यास खालील क्रमांकावर संपर्क साधावा.

पुष्कर ब्रह्मे – ९८६०१७६६४४
प्रसाद पानसरे – ९७६७१४१४१४ / ७७९८३७४६३५

आपण सर्वांनी प्रशासनाच्या सूचनांचे काटेकोर पालन करा, अनावश्यक बाहेर फिरू नका, स्वच्छता पाळा आणि कुटुंबियांची काळजी घ्या हि नम्र विनंती.

आपल्या शुभेच्छा आणि आशिर्वाद नेहमीच माझ्या पाठीशी आहेत लवकरच मी आपल्या सेवेत पुन्हा दाखल होईल… धन्यवाद!

Read more...

नारायणगाव येथील बांधकाम व्यावसायिक शुभम बडेरा व सुनिल वाव्हळ यांच्यावर गुन्हा दाखल

नारायणगाव येथील बांधकाम व्यावसायिक शुभम बडेरा व सुनिल वाव्हळ यांच्यावर गुन्हा दाखल

जिल्हाधिकारी यांचे कोरोना सुरक्षा नियमांचे उल्लंघन केल्याप्रकरणी गुन्हा दाखल

सहाय्यक पोलिस निरीक्षक अर्जुन घोडे पाटील यांची माहिती

सजग वेब टीम, जुन्नर

नारायणगाव | नारायणगाव गावच्या हद्दीतील नारायणगाव बाजार पेठमध्ये अभिनंदन कलेक्शन समोरील भन्साळी यांचे बांधकामाच्या ठिकाणी जिल्हाधिकारी पुणे यांचे कोरोना सुरक्षेविषयक नियमांचे उल्लंघन करुन बांधकामाच्या ठिकाणी गर्दी जमवले प्रकरणी नारायणगाव येथील बांधकाम व्यावसायिक शुभम सुनिल बडेरा व सुनिल बिंबाजी वाव्हळ यांच्या विरोधात भारतीय दंड विधान कलम १८८, २६९, २७०, कोविड -१९ उपाय योजना २०२० नियम ११ प्रमाणे २, ३, ४ आपत्ती व्यवस्थापन २००५ कलम ५१(२) नुसार गुन्हा र.नं.१८७/२०२० नुसार गुन्हा दाखल करण्यात आल्याची माहिती नारायणगाव पोलिस स्टेशनचे सहाय्यक पोलिस निरीक्षक अर्जुन घोडे पाटील यांनी दिली.

सध्या आंतरराष्ट्रीय स्तरावर व देशांतर्गत पातळीवर कोरोना विषाणूचा संसर्ग दिवसेंदिवस वाढत असुन आता ग्रामीण भागातही कोरोना बाधित रुग्ण आढळत आहेत. या विषाणूचा संसर्ग व प्रादुर्भाव रोखणे करिता उपाययोजना म्हणून जिल्हाधिकारी पुणे यांच्या कार्यालयीन आदेशानुसार जिल्हा कार्यक्षेत्रात खाजगी व सार्वजनिक ठिकाणी पाच किंवा पाचपेक्षा अधिक व्यक्ती एकत्र जमू नयेत व अत्यावश्यक सेवा वगळून इतर सर्व स्थापना कार्यरत ठेवू नये याबाबतचा आदेश जारी करण्यात आलेला आहे.

परंतु आज दि.७ जुलै रोजी ११:३० च्या सुमारास नारायणगाव बाजारपेठ येथे सपोनि अर्जुन घोडे पाटील, पो.काँ साळुंखे व पो.काॅ. सचिन कोबल पेट्रोलिंग करीत असताना वर नमूद केलेले इसम नारायणगाव बाजार पेठ येथील अभिनंदन कलेक्शन समोरील बनसोडे यांचे इमारतीचे बांधकाम चालू ठेवून त्यामध्ये बांधकाम करणारे कामगारांची गर्दी जमवून इमारतीचे बांधकामाचे काम करीत असताना मिळून आला म्हणून त्यांनी माननीय जिल्हाधिकारी यांच्या आदेशाची अवमान्यता केली वगैरे मजकूर चे फिर्यादीवरून गुन्हा रजिस्ट्री दाखल करण्यात आला आहे. या प्रकरणी पो.काॅ.सचिन कोबल यांनी फिर्याद दिली आहे. याबाबत सहाय्यक फौजदार एस.जे.केंगले यांनी गुन्हा दाखल केला असुन सहाय्यक फौजदार के.डी.ढमाले हे तपास करत आहे.

Read more...

पर्यटकांना नाणेघाट व किल्ले जीवधन वर्षा पर्यटनासाठी पुर्णपणे बंद

पर्यटकांना नाणेघाट व किल्ले जीवधन वर्षा पर्यटनासाठी पुर्णपणे बंद

सजग वेब टीम, जुन्नर

जुन्नर | जुन्नर तालुक्यातील घाटघर ग्रामपंचायत व संयुक्त वनव्यवस्थापन समिती यांनी जुन्नर तालुक्यातील कोरोनाचा वाढता प्रभाव पाहता ऐतिहासिक नाणेघाट व किल्ले जीवधन वर्षा पर्यटनासाठी पुर्णपणे बंद ठेवण्याचा निर्णय घेतला आहे. याठिकाणी गावातील तरुणांना बंदोबस्त करण्यासाठी ठेवण्यात आले आहे. याबाबत जुन्नर पोलिस स्टेशनला पत्र देण्यात आले आहे.

जर आपण नाणेघाट किंवा किल्ले जीवधनला जात असाल तर नक्कीच जाणे टाळावे. अन्यथा याबाबत आपल्यावर गुन्हे दाखल केले जाऊ शकतात. ग्रामस्थांनी विनंती केली आहे की कृपया आपण घरीच थांबा व स्वत:ची व आपल्या परिवाराची काळजी घ्यावी.

Read more...

ग्रामपंचायत नारायणगावचे महावितरण कंपनीस विविध मागण्यांबाबत निवेदन

ग्रामपंचायत नारायणगावचे महावितरण कंपनीस विविध मागण्यांबाबत निवेदन

सजग वेब टीम, जुन्नर

नारायणगाव | नारायणगाव विद्युत वीज वितरण कंपनीचे विभागीय कार्यालय शहरापासून लांब असल्याने नारायणगाव ग्रामपंचायतीमध्ये विद्युत कर्मचारी उपस्थित ठेवणे, तसेच विद्युत तारांच्या धोकादायक जाळ्यांमुळे दुर्घटना टाळण्यासाठी एअरबंच केबल संपूर्ण शहरात टाकणे व विकास कामात अडथळे निर्माण होणाऱ्या डीपी काढणे या विविध मागण्यांबाबतचे निवेदन नारायणगाव ग्रामपंचायतीच्यावतीने अधिक्षक अभियंता यांना देण्यात आले.

नारायणगाव हे लोकसंख्येने व क्षेत्रफळाने मोठे शहर असल्याने नारायणगाव मधील वीज ग्राहकांची संख्या मोठी आहे. लॉकडाऊन मुळे तीन महिन्यांचे वीजबिल एकरकमी आल्याने वीज ग्राहकांची तारांबळ उडाली आहे. वीज बील शंका निरसणासाठी ज्येष्ठ नागरिक, अपंग व्यक्ती, महिला यांना दूरवर असलेल्या विद्युत कार्यालयात जाणे शक्य होत नाही. त्यामुळे वीज ग्राहकांच्या वीजबिलबाबतच्या शंका निरसणासाठी नारायणगाव ग्रामपंचायतीमध्ये महावितरणचे २ कर्मचारी उपस्थित ठेवण्यात यावे, तसेच नारायणगाव शहरांमध्ये अनेक ठिकाणी विद्युत तारांचे धोकादायक जाळे निर्माण झाले आहे. बऱ्याच ठिकाणी तारा लोंबकळत आहे. त्यामुळे भविष्यातील दुर्घटना टाळण्यासाठी संपूर्ण नारायणगाव शहरात एअरबंच केबल टाकण्यात यावी व आठवडे बाजार, मुक्ताबाई देवस्थान व इतर ठिकाणी विकास कामात अडथळा निर्माण होणाऱ्या डीपी इतर सुरक्षित ठिकाणी हलविण्यात यावी अशा मागणीचे निवेदन जिल्हा परिषद सदस्य आशाताई बुचके, विघ्नहरचे संचालक संतोषनाना खैरे, लोकनियुक्त सरपंच योगेश पाटे यांनी माननीय अधिक्षक अभियंता पुणे ग्रामीण राजेंद्र पवार यांना देण्यात आले.

यावेळी विद्युत वितरण कंपनीचे सहाय्यक अभियंता पवार साहेब, ग्रामपंचायत सदस्य राजेश (भैय्या) बाप्ते, सामाजिक कार्यकर्ते अजित वाजगे इत्यादी मान्यवर उपस्थित होते. माननीय अधिक्षक अभियंता श्री.पवार साहेब यांनी वरील मागणींचा सकारात्मक विचार करून पुढील कार्यवाही केली जाईल असे आश्वासन दिले.

Read more...

सुदैवाने जिवीत हानी टळली, विद्युत महामंडळाचा भोंगळ कारभार

सुदैवाने जिवीत हानी टळली, विद्युत महामंडळाचा भोंगळ कारभार

सजग वेब टीम, जुन्नर

नारायणगाव | नारायणगाव शेटे मळा येथील अटलांटा सिटी सोसायटीत असणार्‍या विद्युत महामंडळाच्या पोलवर स्पार्किंग होत असल्यामुळे सोसायटीमधील लहान मुले व नागरिकांच्या सुरक्षेचा प्रश्न निर्माण झाला होता या त्रासाबद्दल सोसायटीने विद्युत महामंडळाला दिनांक ९ जुन रोजी पत्र दिले होते. परंतु २१ दिवस उलटुनही महामंडळाचे अधिकारी व कर्मचारी याकडे फिरकलेही नाही.

आज सकाळी पावसामुळे सोसायटी जवळील झाड पडल्याने विजेच्या तारा पडल्या. यावेळी नागरिक सोसायटी परिसरात व्यायाम करत होते. वेळीच सावधानतेमुळे सुदैवाने मोठी दुर्घटना टळली असली तरी विद्युत महामंडळाच्या भोंगळ कारभाराचा फटका या सोसायटीतील नागरिकांना बसत आहे.

त्यामुळे सजग टाईम्सच्या या बातमीने का होईना विद्युत महामंडळाला जाग येऊन साेसायटी नागरिकांचा प्रश्न सुटावा ही अपेक्षा.

Read more...
Open chat
Powered by